إزاي متضيعش فلوسك في التسويق
"التسويق مكلف ومش مضمون إنه يجيب نتيجة"
التسويق بيكلف كتير؟
التسويق مش شرط يبقا غالي.
في طرق كتير للتسويق بتختلف في تكلفتها وفعاليتها، وبالذات دلوقتي التكنولوجيا أتاحتلك حاجات كتير.
ممكن نتكلم عن أنواع التسويق في تدوينة منفصلة.
نتائج التسويق مش مضمونة؟
أكيد محدش يقدر يضمن مئة بالمئة إن حاجة معينة تحصل من قبل ما تحصل، بس المتخصصين جربوا كويس جداً طرق تسويق كتير ودرسوها كويس ودا خلانا نقدر نقول إننا فاهمين ايه أحسن طرق التسويق لكل مجال وإزاي نطبقها بدرجة كبيرة من الدقة.
دا غير إنك قبل ما تحط جنيه واحد في التسويق لازم تحط لنفسك حاجات تقيسها، الحاجات دي اسمها مؤشرات الأداء.
مؤشرات الأداء دي عبارة عن أرقام بتديك فكرة عن أداء النشاط التسويقي اللي بتعمله.
فعال ولا لا؟
وفعال قد ايه؟
وأنهي نشاط تسويقي بيجيب معاك نتيجة أحسن بحيث تستغله أكتر، وهكذا.
بالشكل دا أنت عارف اللي بتستثمره في التسويق بيروح فين بالضبط ونتيجته ايه وهل تكمل فيه ولا لا.
في نفس الوقت المؤشرات دي بتبقا هي لغة التواصل بينك كطبيب أو مدير عيادة وبين مسؤول التسويق أو شركة التسويق اللي بتتعامل معاها بحيث تقدر تشوف وتقيم كفاءة العملية التسويقية.
في تدوينة تانية إن شاء الله ممكن نتكلم عن مؤشرات الأداء الرئيسية، ايه هي وازاي نقيسها وازاي نعرف معاني القياسات دي.
–
إذا وجدت هذا المحتوى مفيد، لاتنس مشاركته مع أصدقاءك على فيسبوك
اضغط هنا لمتابعة هذه المدونة ليصلك المحتوى الجديد
انضم إلى مجموعة الإدارة والتسويق لأطباء الأسنان على فيسبوك
تواصل مع المؤلف عبر البريد الإلكتروني
–
تعليقات
إرسال تعليق