٥ وسائل تواصل تخلي العميل اللي جالك يجيلك مرة ثانية

هل العميل اللي ييجي العيادة بستفيد منه مرة واحدة بس ولا ممكن أستفيد منه أكتر من مرة؟

من أهم مصادر الدخل لعيادتك هو العميل المتردد.

–العميل المتردد هو اللي جالك قبل كدا خد خدمة وبييجي تاني بعد فترة ياخد خدمة تانية–

عشان تزود فرصة إن العميل لما يحتاج خدمة طبية تانية تكون أنت أول طبيب أسنان ييجي على باله لازم تكون على تواصل معاه وتكون حاضر في ذهنه. طيب ازاي تبقا على تواصل مع العميل حتى بعد انتهاء الخدمة؟

وسائل التواصل مفيش أكتر منها ولكن معظم الناس في مصر بتبقا نشيطة على فيسبوك وواتساب بس، عشان كدا دول المنصتين اللي هرشحهم هنا.

1. WhatsApp Broadcast

هتسجل أرقام موبايلات المرضى أول بأول على سمارت فون خاص بالعيادة عليه حساب واتساب باسم العيادة أو الطبيب، وتستعمل خاصية الـbroadcast على واتساب عشان تبعت رسالة ليهم كلهم أو للي تختارهم.

نصيحة إضافية: لو تقدر تستعمل WhatsApp Business هيكون عملي أكتر وهيسهل عليك كتير. في تدوينة تانية ان شاء الله ممكن نتكلم على WhatsApp Business وازاي ممكن نستعمله للعيادة.

2. Messenger Chatbot

دا برنامج أنت بتعمله بيبعت رسائل على فيسبوك لناس معينين بيشتركوا في الرسائل دي، وممكن تتعلم ازاي تعمله بسهولة وفي مواقع بتقدملك الخدمة دي ببلاش زي ManyChat.

3. Facebook Groups

مجموعات فيسبوك اختيار تاني ممكن تستخدمه للتواصل مع عملاءك، ولكن المجموعة هتحتاج منك تفاعل أكتر بشكل مستمر عشان المحتوى بتاعك يظهر عند أعضاء المجموعة، ودا ممكن يكون متعب شوية ليك.

4. E-mail
&
5. Bulk SMS

دول آخر وسيلتين ممكن تستعملهم للتواصل مع العملاء، وأنا منصحش بيهم لأن مش كل الناس بتفتح الايميل بشكل مستمر ولأن الرسائل الهاتفية ممكن تبقا مكلفة ومش فعالة.

نصيحة إضافية: لازم تحترم مساحات الناس اللي هتتواصل معاهم على المنصات دي لإنهم في معظم الوقت بيستخدموها استخدام شخصي، بالتالي لازم تتواصل معاهم بشكل معين وبمحتوى معين وبمعدل تواصل معين وإلا الأدوات ممكن تضرك بدل ما تنفعك.

ملحوظة إضافية: لما العميل يفضل فاكرك مش بس هيجيلك لما يحتاج خدمة، دا كمان لما حد يعرفه يحتاج خدمة هيبقا في فرصة أكبر إنه يرشحك للشخص دا.

في تدوينة تانية إن شاء الله ممكن نتكلم عن أحسن محتوى ممكن تستخدمه في التواصل مع عملاءك على المنصات دي بحيث تفضل على علاقة مستمرة معاهم.

–

إذا وجدت هذا المحتوى مفيد، لاتنس مشاركته مع أصدقاءك على فيسبوك

اضغط هنا لمتابعة هذه المدونة ليصلك المحتوى الجديد

انضم إلى مجموعة الإدارة والتسويق لأطباء الأسنان على فيسبوك

تواصل مع المؤلف عبر البريد الإلكتروني

–